ပုလဲမြို့နယ်မှ ကြံ့ခိုင်ရေးပါတီ အလုပ်အမှုဆောင်တစ်ဦးက ၎င်းတို့စည်းရုံးရေးသုံး ကားကို PDF အဖွဲ့ထံ ဆက်သွယ်လှူဒါန်း

4 months ago

“တော်လှန်ရေးတွက် လ်ိုအပ်တဲ့နေရာမှာ သုံးဖို့ဆိုပြီး လှမ်းခေါ်ပြီး လှူတာ။ အတော်လေးလည်း အံ့သြသွားတယ်။ မယုံရဲယုံရဲနဲ့ သွားကြတာ”
ကိုအုပ်ကြီး (တာဝန်ရှိသူ – ကျားသစ်နက်တပ်မတော်)
========
မတ် ၈
စစ်ကိုင်းတိုင်း၊ ပုလဲမြို့နယ်မှ ကြံ့ခိုင်ရေးပါတီ အလုပ်အမှုဆောင်တစ်ဦးက ၎င်းတို့စည်းရုံးရေးသုံး ကားတစ်စီးကို PDF အဖွဲ့ဖြစ်သည့် ကျားသစ်နက်တပ်မတော်ထံ ဆက်သွယ်လှူဒါန်းခဲ့ကြောင်း သိရသည်။
“၆ ရက်နေ့က ၃ နာရီလောက်က ဆက်သွယ်ပြီးလှူဒါန်းတာပါ။ တော်လှန်ရေးတွက် လ်ိုအပ်တဲ့နေရာမှာ သုံးဖို့ဆိုပြီး လှမ်းခေါ်ပြီး လှူတာ။ အတော်လေးလည်း အံ့သြသွားတယ်။ မယုံရဲယုံရဲနဲ့ သွားကြတာ။ တပ်ဖွဲ့ဝင်တွေ လိုက်သွားပြီး လမ်းတွေမှာ ကင်းပုန်းတွေချပြီး ကြံ့ခိုင်ရေးရုံးကို သွားကြတာပါ။ ကားက ဘက်ထရီအိုး တစ်လုံး လဲရတယ်။ ကားတာယာ လေးလုံး လဲရတယ်။ ပုလဲမြို့ထဲမှာ လိုအပ်တဲ့ပစ္စည်းတွေ ဝယ်ပြီး ကြံ့ခိုင်ရေးရုံးမှာပဲ တစ်ခါတည်း ပြင်ဆင်ပြီး မောင်းပြန်ခဲ့ကြတယ်။ ၅ နာရီလောက်မှာ စခန်းကို ပြန်ရောက်ပါတယ်” ဟု ကျားသစ်နက်တပ်မတော်မှ တာဝန်ရှိသူ ကိုအုပ်ကြီးက ပြောသည်။
ယင်းသို့ ဆက်သွယ်လှူဒါန်းလာသူမှာ ကြံ့ခိုင်ရေးပါတီ၏ မြို့နယ်အလုပ်အမှုဆောင်တစ်ဦးဖြစ်ပြီး ကျားသစ်နက်တပ်ဖွဲ့ဝင်များက ကြံ့ခိုင်ရေးပါတီမှ လှူဒါန်းသည့် ကားကို ကျားသစ်နက်တပ်မတော်မှ မောင်းပြန်လာပြီးနောက် စစ်ကောင်စီအပေါင်းအပါများမှ ကားအား မည်သည့်အဖွဲ့က ယူဆောင်သွားကြောင်း မေးမြန်းသည့်အခါ ဒေသခံများမှ ပြန်လည်ဖြေကြားခြင်းမရှိသည့်အတွက် ကြံ့ခိုင်ရေးပါတီ၏ ရုံးအနီးရှိ နေအိမ်တစ်လုံးကို မီးရှို့ခဲ့ကြကြောင်း သိရသည်။
“ကားပြင်တာ ၁၁ သိန်း ကုန်တယ်။ ကားပြင်နေတုန်းမှာ စစ်တပ်ဘက်က သုံးယောက်ထွက်လာတယ်။ ကင်းပုန်းတွေမြင်ပြီး နောက်ပြန်ပြေးကြတယ်၊ ဒီကောင်တွေမလှုပ်ရဲဘူး။ သူ‌တို့ နောက်ပြန်ဆုတ်သွားကြတယ်။ ကျနော်တို့လည်း ပြန်ရော ပြန်ရောက်လာပြီး အနားမှာရှိတဲ့ အိမ်ကို မီးရှို့တော့တာပဲ။ ဖြစ်ချင်တော့ သူတို့ရှို့လိုက်တဲ့ အိမ်က သူတို့လူ စအဖ အရာရှိတစ်ယောက်အိမ် ဖြစ်နေတယ်။ သူတို့ပဲ ကယ်တင်ရှင်လုပ်ပြီး မီးသတ်ကားနဲ့ မီးလာငြှိမ်းသွားတယ်” ဟု ကိုအုပ်ကြီးက ဆိုသည်။
အဆိုပါ ပါတီရုံးမှာ လူမရှိဘဲ ကားလှူဒါန်းမှုအား အဝေးမှ လှမ်းလှူပေးခြင်းဖြစ်ကြောင်း၊ ၎င်းအလုပ်အမှု‌ဆောင်သည် ယခင်ကလည်း ကျားသစ်နက်တပ်မတော်ထံ လှူဒါန်းမှုအချို့ ပြုလုပ်ခဲ့သေးကြောင်း သိရသည်။
ယခုလို ကြံ့ခိုင်ရေးပါတီကားကို လှူဒါန်းမှုအပေါ် ပြည်သူအချို့က စိုးရိမ်မှုများ ရှိနေခြင်းနှင့်ပတ်သက်ပြီးလည်း ” စိတ်မပူကြပါနဲ့ဗျ။ ကျနော်တို့ ကားကို အားလုံး စစ်ဆေးပြီးပါပြီ” ဟု ၎င်းက ဆိုသည်။

KIA ၏ မတ် ၇ ရက်မှ စသော ထိုးစစ် စစ်ဆင်ရေးများတွင် AA လည်း ပါဝင်တိုက်ခိုက်ဆင်နွှဲနေ

4 months ago

မတ် ၈
ကချင်လွတ်လပ်ရေးတပ်မတော် (KIA) ၏ မတ် ၇ ရက်နေ့ နံနက်မှ စသော ထိုးစစ် စစ်ဆင်ရေးများတွင် ရက္ခိုင့်တပ်တော် (AA) မှလည်း ပါဝင်တိုက်ခိုက်ဆင်နွှဲနေကြောင်း AA က သတင်းထုတ်ပြန်သည်။
KIA ၏ ဌာနချုပ်ရှိရာ ကချင်ပြည်၊ လိုင်ဇာမြို့အနီးနှင့် မြစ်ကြီးနား-ဗန်းမော်လမ်းရှိ စစ်ကောင်စီတပ်စခန်းများနှင့် ခါရာဘွမ်၊ အင်တပ်ဘွမ်၊ ဖုန်ပျံဘွမ်၊ ဘွမ်ရယ်ဘွမ်၊ ပွိုင့် (၉၃၆) ကုန်း၊ ခမ်းကိုင်ဘွမ်၊ ပွိုင့်(၂၅၉) လေယာဉ်ကွင်းစခန်းအပါအဝင် အခြားသောစခန်းအချို့တို့ကိုလည်း တပြိုင်နက်တည်း တိုက်ခိုက်လျက်ရှိရာ AA အနေဖြင့်လည်း အဆိုပါထိုးစစ်များတွင် မဟာမိတ် (KIA) နှင့် ပူးတွဲစစ်ရေးလှုပ်ရှားလျက်ရှိသည့်အပြင် သီးသန့်တာဝန်ယူပြီး ထိုးစစ်များကို ဆင်နွှဲလျက်ရှိသည်ဟု သိရသည်။
May be an image of 1 person and text
တစ်ချိန်တည်း၌ပင် ကချင်ပြည်နယ်၊ ဗန်း‌မော်ခရိုင်၊ မိုးမောက်မြို့နယ်အနီးရှိ အကြမ်းဖက်စစ်ကောင်စီ၏ တပ်မ (၈၈) လက်အောက်ခံ ခလရ (၁၀၃) တပ်ရင်း၊ ပွိုင့် (၂၅၉) လေယာဉ်ကွင်းစခန်းကုန်းနှင့် ဒေါ့ဖုန်းယန်မြို့နယ်အနီးရှိ ရန်သူ၏ ပွိုင့် (၆၁၁) (Ntap Bum) စခန်းကုန်းအား ရက္ခိုင့်တပ်တော်မှ ဆက်လက်ထိုးစစ်ဆင် တိုက်ခိုက်ခဲ့ကြောင်း၊စကစ တပ်ရင်းများမှ လက်နက်ကြီးများဖြင့်အပြင် လေကြောင်းမှပါ တစ်ရက်လုံးပစ်ခတ်တိုက်ခိုက်မှုများ ပြုလုပ်ခဲ့သည့်အတွက် KIO ဌာနချုပ်ရှိရာ လိုင်ဇာမြို့ ပြည်သူ့ဆေးရုံအနီးသို့ လက်နက်ကြီး ထိမှန်ကျရောက်ခဲ့ပြီး လိုင်ဇာမြို့နှင့် ထိစပ်နေသည့် တရုတ်နယ်စပ်မြို့ဘက်သို့လည်း လက်နက်ကြီးအချို့ ကျရောက်ပေါက်ကွဲခဲ့ကြောင်း သိရသည်။
ရက္ခိုင်ဒေသစစ်ဆင်ရေး (၁၁၆) ရက်အတွင်း AA အနေဖြင့် သတ်မှတ်ထားသည့် စစ်ရေးပစ်မှတ်များကို သိမ်းပိုက်ရယူထားပြီးဖြစ်သကဲ့သို့ နောက်ထပ်ကျန်ရှိနေသေးသော စကစ စခန်းများကို ထပ်မံသိမ်းပိုက်ရယူနိုင်ရန်အတွက်လည်း ဆက်လက်ကြိုးပမ်းဆောင်ရွက်လျက်ရှိသည်ဟုလည်း ဖော်ပြထားသည်။

အင်မထီးပျူရွာမှ ထွက်လာသော အင်အား ၁၂၀ ပါ ရိက္ခာပို့စစ်ကြောင်း အလစ်အငိုက် တိုက်ခိုက်ခံရပြီး ပျူ နှစ်ဦး သေဆုံး၊ စကစ ငါးဦး ပြင်းထန်ဒဏ်ရာရဟုဆို

4 months ago

မတ် ၈
စစ်ကိုင်းတိုင်း၊ ပုလဲမြို့နယ် အင်မထီးပျူရွာသို့ ရိက္ခာပို့ပြီး ထွက်လာသော စစ်ကြောင်းအား အလစ်အငိုက် တိုက်ခိုက်ခဲ့ရာ ပျူ နှစ်ဦး သေဆုံးပြီး စကစ ငါးဦး ပြင်းထန်ဒဏ်ရာ ရရှိခဲ့ကြောင်း Sothern YSO PDF အဖွဲ့က ထုတ်ပြန်ထားသည်။
မတ် ၆ ရက် နေ့လယ် ၁:၃၀ နာရီခန့်က ရိက္ခာပို့ထွက်လာသော ပျူစောထီး နှင့် စကစ အင်အား May be an image of 1 person, tree and grass၁၂၀ ပါ စစ်ကြောင်းအား ဗမာအမျိုးသားတော်လှန်ရေးတပ်မတော် BNRA နှင့် Sothern YSO PDF အဖွဲ့တို့မှ လက်နက်ငယ်များဖြင့် ပစ်ခတ်ခြင်း၊ စစ်မျက်နှာ တဖက်မှ ၆၀ မမ စိန်ပြောင်းတို့ဖြင့် ပစ်ခတ်တိုက်ခိုက်ခဲ့ခြင်းတို့ ပြုလုပ်ခဲ့ခြင်းဖြစ်ကြောင်း သိရသည်။
၎င်းဖြစ်စဉ်အတွင်း ပျူ နှစ်ဦး ပွဲချင်းပြီး သေဆုံးကာ
စကစ ငါးဦး အပြင်းအထန် ဒဏ်ရာရရှိခဲ့ပြီး ဒဏ်ရာရသူများအနက် သုံးဦး သေဆုံးနိုင်ဖွယ်ရှိသည်ဟု ဆိုသည်။
“သူတို့က တစ်လ တစ်ကြိမ်နှုန်းလောက် ရိက္ခာပို့ကြတယ်။ တခါတလေ နှစ်လ တစ်ကြိမ်၊ တစ်လခွဲ တစ်ကြိမ်လောက်ပေါ့။ ပုလဲမြို့ကနေ ထွက်လာတဲ့ စစ်ကြောင်းဗျ။ ပုလဲမြို့ဘက်မှာ ဇီးဖြူကုန်း ပျူရွာရှိတယ်။ အင်မထီး ပျူရွာရှိတယ်။ အဖက်ဖက်ကနေ ပိတ်ထားတဲ့ အချိန်မှာ သူတို့အတွက် ရိက္ခာရဖို့ ခက်ခဲတယ်။ အဲဒီတော့ သူတို့က စစ်ကြောင်းဝင်တယ်။ ရွာတွေကနေ ရိက္ခာတွေ ယူတယ်။ အဲဒီလိုတွေ လတိုင်း လတိုင်း သူတို့လုပ်နေကျပါ” ဟု Sothern YSO PDF အဖွဲ့တာဝန်ခံ ကိုအောင်မောင်းက ပြောသည်။
ဖြစ်စဉ်အတွင်း Southern YSO PDF မှ ရဲဘော် တစ်ယောက် မစိုးရိမ်ရ ထိခိုက်ဒဏ်ရာရရှိခဲ့ကြောင်း သိရသည်။

တန့်ဆည်မှ ကန့်ဘလူသို့ ပြန်လာသော ဝါသဝ ပျူစောထီးစစ်ကြောင်းကို တိုက်ခိုက်မှု ပျူစောထီး ၄ ဦး ခန့်အထိ သေဆုံးနိုင်

4 months ago

မတ် ၇
စစ်ကိုင်းတိုင်း၊ တန့်ဆည်မြို့နယ်မှ ကန့်ဘလူမြို့နယ်သို့ ပြန်လာသော ဝါသဝ ပျူစောထီး စစ်ကြောင်းကို တိုက်ခိုက်ခဲ့ရာ ပျူစောထီး ၄ ဦးခန့် ထိခိုက်သေဆုံးနိုင်ကြောင်း ပြည်သူ့လွတ် မြောက်ရေးတပ်ဦး – PLA တပ်ဖွဲ့က ထုတ်ပြန်ထားသည်။
ပြီးခဲ့သည့် မတ် ၅ ရက် နံနက် ၅ နာရီခန့်က တန့်ဆည်မြို့မှ ကန့်ဘလူမြို့နယ်သို့ပြန်လာသော အင်အား ၁၅၀ ခန့်ရှိ ဝါသဝပျူစောထီးစစ်ကြောင်း ထွက်ခွာလာကြောင်း သတင်းအရ တော်လှန်ရေးပူး ပေါင်းတပ်ဖွဲ့ဝင်များက ကြိုတင်စောင့်ဆိုင်းနေရာယူပြီး စောင့်ဆိုင်းခဲ့ရာ နံနက် ၈ နာရီ မိနစ် ၂၀ အချိန်မှ စတင်ပြီး ထိတွေ့တိုက်ပွဲ မိနစ် ၂၀ ခန့်ဖြစ်ပွားခဲ့ကြောင်း သိရသည်။
“အဲဒီစစ်ကြောင်းမှာ ဝါသဝ ပါမပါတော့ မသိရပေမယ့် ဝါသဝဖွဲ့စည်းပေးထားတဲ့ ပျူတွေဖြစ်ပါတယ်ခင်ဗျ။ ဘယ်လောက်သေတယ်ဆိုတာ အတိအကျ မသိရပါဘူး။ ဒေသခံတွေရဲ့ အပြောအရ အနည်းဆုံး ၂ ဦး သေတယ်လို့ သိရပါတယ်။ အဲဒီစစ်ကြောင်းက ၅ ရက်နေ့ ညနေအထိတော့ နားဋောင်းကျမှာပဲ ရှိသေးကြောင်း သိရပြီး နောက်ဆက်တွဲ သတင်းတွေ မသိရသေးပါဘူးခင်ဗျ” ဟု PLA မှ ပြန်ကြားရေးတာဝန်ခံက ပြောသည်။
အဆိုပါ တိုက်ခိုက်မှုကို ပြည်သူ့လွတ်မြောက်ရေးတပ်မတော် – PLA ၊ TCRF (PLA)၊ အမှတ် ၁ စစ် ဒေသအတွင်း ပါဝင်သော မုံတိုင်ပင် (ပကဖ)၊ တက်သစ် (ပကဖ)၊ ကျောက်တိုင် (ပကဖ)တို့ ပါဝင်သည့် မဟာမိတ်တပ်ဖွဲ့ဝင် အင်အား ၄၀ ကျော်က ခြုံခိုစောင့်ဆိုင်းတိုက်ခိုက်ခဲ့ခြင်းဖြစ်ကြောင်း၊ တော်လှန်ရေး ပူးပေါင်းတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
May be an image of text
ယင်းအကြမ်းဖက်စစ်ကြောင်းသည် သာကေတကျေးရွာမှ နေအိမ်တစ်လုံးနှင့် ပြည်သူပိုင် ဆိုင်ကယ် ၉ စီးကို မီးရှို့ဖျက်ဆီးခဲ့ကြောင်း သိရသည်။

ပုဏ္ဏားကျွန်း ခမရ (၅၅၀) စခန်းသိမ်း တိုက်ပွဲတွင် စစ်ကောင်စီတပ်မှ ဗျူဟာမှူး ဗိုလ်မှူးကြီး မျိုးမင်းကိုကို အပါအဝင် အရာရှိနှင့် တပ်ဖွဲ့ဝင် အများအပြား သေဆုံး

4 months ago

စစ်ကောင်စီတပ်၏ စစ်ကူ ဇက်သင်္ဘော ၃ စီးပေါ်မှ တပ်ဖွဲ့ဝင်များအား အထိနာအောင် တိုက်ခိုက်နိုင်ခဲ့ပြီး AA ၏ နောက်ထပ် ရေကြောင်းတိုက်ပွဲ အောင်ပွဲတစ်ခုဖြစ်ဟုဆို
==========
မတ် ၆
ရခိုင်ပြည်နယ် ပုဏ္ဏားကျွန်း အခြေစိုက် ခမရ (၅၅၀) စခန်းသိမ်းတိုက်ပွဲတွင် အကြမ်းဖက် စစ်ကောင်စီတပ်မှ ဗျူဟာမှူး ဗိုလ်မှူးကြီး မျိုးမင်းကိုကို DSA အပတ်စဉ် (၄၂) ၊ ခလရ (၂၀၈) တပ်ရင်းမှူး ဒုဗိုလ်မှူးကြီး ဖြိုးသူအောင်၊ ခမရ (၅၅၀) မှ ဗိုလ်မှူးစောထွေးတို့ အပါအဝင် အရာရှိ စစ်သည် အများအပြား သေဆုံးခဲ့ကြောင်း AA တပ်က သတင်းထုတ်ပြန်သည်။
ပုဏ္ဏားကျွန်း အခြေစိုက် ခမရ (၅၅၀) တပ်ရင်းဌာနချုပ်ကို AA က ဖေဖော်ဝါရီ ၂၁ ရက်နေ့တွင် စတင်ထိုးစစ်ဆင် တိုက်ခိုက်ခဲ့ပြီး စစ်ကောင်စီတပ်က ကြည်း၊ ရေ၊ လေ ပူးပေါင်းကာ အပြင်းအထန် ခုခံကာကွယ်ခဲ့သော်လည်း မတ် ၄ ရက်နေ့တွင် အပြီးသတ် သိမ်းပိုက်နိုင်ခဲ့ကြောင်း၊ မတ် ၃ ရက်‌နေ့ နံနက် ၈ နာရီခန့်တွင် ပုဏ္ဏားကျွန်း ခမရ (၅၅၀) သို့ စစ်ကူပေးရန်လာသည့် အကြမ်းဖက် စစ်ကောင်စီ၏ ဇက်သင်္ဘော ၂ စီးကို AA ၏ အထူးတိုက်ခိုက်ရေး တပ်ဖွဲ့ဝင်များက ကြားဖြတ် တိုက်ခိုက်နိုင်ခဲ့ပြီး ၎င်းဇက်သင်္ဘော ၂ စီးကို ကယ်တင်ရန်လာသော အခြား ဇက်သင်္ဘော ၁ စီးကိုပါ ရှေ့ဆက်မတိုးနိုင်အောင် ဟန့်တားတိုက်ခိုက်နိုင်ခဲ့ကြောင်း သိရသည်။
အဆိုပါ ဇက်သင်္ဘော ၃ စီးလုံးအား ရေထဲနစ်မြုပ်အောင် မတိုက်ခိုက်နိုင်သော်လည်း ဇက်သင်္ဘောပေါ်တွင် ပါလာသော စစ်ကောင်စီ တပ်ဖွဲ့ဝင်များကို အထိနာအောင် တိုက်ခိုက်နိုင်ခဲ့ပြီး ယင်းတိုက်ပွဲအတွင်း စစ်ကောင်စီတပ်က လေကြောင်း ပစ်ကူအပြင် စစ်တွေမြို့နှင့် ဘူးသီးတောင်မြို့ရှိ ၎င်းတို့၏ တပ်စခန်းများမှ လက်နက်ကြီးများဖြင့် အပြင်းအထန် တိုက်ခိုက်ခဲ့သော်လည်း AA ၏ နောက်ထပ် ရေကြောင်းတိုက်ပွဲ အောင်ပွဲတစ်ခုအဖြစ် ထပ်မံ မှတ်တမ်းတင်နိုင်ခဲ့ကြောင်း သိရသည်။
ခမရ (၅၅၀) စခန်းသိမ်း တိုက်ပွဲအတွင်း ဗျူဟာမှူး ဗိုလ်မှူးကြီး မျိုးမင်းကိုကို အပါအဝင် စစ်ကောင်စီ တပ်ဖွဲ့ဝင် အမြောက်အမြားကို အသေ ဖမ်းဆီးနိုင်ခဲ့ကာ အဆိုပါ တိုက်ပွဲအတွင်း လက်ရဖမ်းဆီးရမိခဲ့သော စစ်ကောင်စီ တပ်ဖွဲ့ဝင်အချို့ ရှိခဲ့ပြီး လက်နက်ခဲယမ်းနှင့် စစ်အသုံးအဆောင်ပစ္စည်း အမြောက်အမြားကို သိမ်းဆည်းရမိခဲ့ကြောင်း၊ လက်နက်ချ အညံ့ခံသူများ၊ စောစီးစွာ အလံဖြူထောင်သူများနှင့် ၎င်းတို့၏ မိသားစုဝင်တိုင်းကို ရက္ခိုင့်တပ်တော်က အသက်ချမ်းသာပေးခဲ့ပြီး ကောင်းမွန်စွာ ပြုစုစောင့်ရှောက်ပေးထားကြောင်း ဖော်ပြထားသည်။

စစ်ကောင်စီက တအာင်းမြို့ ၃ မြို့ကို စစ်အုပ်ချုပ်ရေး ကြေညာပြီးနောက် TNLA က စစ်ရေးကာလအတွင်း လိုက်နာရမည့် ကန့်သတ်ချက်အမိန့်များအား ရုပ်သိမ်းကြောင်း ထုတ်ပြန်

4 months ago

မတ် ၆
ရှမ်းပြည်နယ်မြောက်ပိုင်း တအာင်းဒေသရှိ မြို့ ၇ မြို့တွင် ထုတ်ပြန်ထားသော ညမထွက်ရအမိန့် အပါအဝင် စစ်ဆင်ရေးကာလအတွင်း လိုက်နာရမည့် ကန့်သတ်ချက်အမိန့်များအား ရုပ်သိမ်းလိုက်ကြောင်း တအာင်းအမျိုးသားလွတ်မြောက်ရေးတပ်မတော် (TNLA)က ယနေ့ မတ် ၆ ရက်နေ့တွင် သတင်းထုတ်ပြန်သည်။
၎င်းတို့၏ စစ်ဆင်ရေးကာလအတွင်း ထိန်းချုပ်လိုက်သည့် မြို့များတွင် ည ၉ နာရီမှ နံနက် ၆ နာရီအထိ မထွက်ရအမိန့်၊ ည ၁၁ နာရီမှ နံနက် ၄ နာရီအထိ မထွက်ရအမိန့်များကို လိုအပ်သလို ထုတ်ပြန်ထားပြီး ဒေသတွင်း တရားဥပဒေစိုးမိုးရေးနှင့် စီမံအုပ်ချုပ်သည့် လုပ်ငန်းများ လည်ပတ်စေရန်အတွက် ဒေသခံပြည်သူများနှင့် ပူးပေါင်းဆောင်ရွက်ခဲ့ကြောင်း၊ TNLA ဦးဆောင်အုပ်ချုပ်သည့် မြို့ရွာဒေသများတွင် တရားဥပဒေစိုးမိုးရေး၊ မူးယစ်ဆေးဝါးတိုက်ဖျက်ရေး၊ ကျားဖြန့်အပါအဝင် လောင်းကစားများ ကင်းစင်ရေး၊ ဒေသတည်ငြိမ်အေးချမ်းရေးအတွက် မျှတသည့် ဥပဒေနှင့် စီမံအုပ်ချုပ်မှုတို့ဖြင့် အကောင်အထည်ဖော်နေကြောင်း သိရသည်။
ထိုသို့လုပ်ဆောင်နေချိန်တွင် စစ်ကောင်စီသည် မတ် ၄ ရက်နေ့က တအာင်းမြို့နယ်တချို့အား စစ်အုပ်ချုပ်ရေးကြေညာကာ ဒေသခံလူထုများအား ထိတ်လန့်စေရန် ဆောင်ရွက်လာသည်ကို တွေ့ရသည်ဟု ဆိုသည်။
ရှမ်းမြောက်ဒေသတွင် တအာင်းတပ်မတော် TNLA က သိမ်းပိုက်ထားသော မြို့နယ် ၃ ခုဖြစ်သည့် မန်တုံ၊ နမ့်ဆန်နှင့် နမ္မတူမြို့နယ်တို့ကို စစ်ကောင်စီက စစ်အုပ်ချုပ်ရေး ကြေညာပြီး အရှေ့မြောက်တိုင်း စစ်တိုင်းမှူးကို အာဏာကုန် လွှဲအပ်ကြောင်း အကြမ်းဖက်စစ်ကောင်စီက မတ် ၄ ရက် ညပိုင်းတွင် ထုတ်ပြန်ကြေညာခဲ့သည်။
May be an image of text
ယင်းသို့ စစ်ကောင်စီ၏ စစ်အုပ်ချုပ်ရေးကြေညာချက်က ၎င်းဒေသအတွင်း တိုက်ပွဲများ ပြန်လည်ဖြစ်ပွားလာစေနိုင်ဖွယ်ရှိကြောင်း နိုင်ငံရေးလေ့လာသူတချို့ကလည်း သုံးသပ်ပြောဆိုထားသည်ကို တွေ့ရသည်။
TNLA သည် မြောက်ပိုင်းညီနောင်မဟာမိတ်တို့နှင့်အတူ တရုတ်နိုင်ငံ၏ ရှေ့ဆောင်ဦးရွက်မှုဖြင့် စစ်ကောင်စီတပ်နှင့် ဟိုင်ဂင်သဘောတူညီချက်စာချုပ်ကို ၂၀၂၄ ခုနှစ် ဇန်နဝါရီ ၁၁ ရက်နေ့တွင် လက်မှတ်ရေးထိုးကာ တအာင်းဒေသအပါအဝင် မြောက်ပိုင်းဒေသတွင် အပစ်အခတ်ရပ်စဲရေး ပြုလုပ်ခဲ့ပြီးဖြစ်သည်ဟု TNLA ၏ ထုတ်ပြန်ချက်တွင် ဖော်ပြထားသည်။
လက်ရှိအချိန်တွင် လုံခြုံရေးစီမံချက်များကို စနစ်တကျ ပြင်ဆင်ဖော်ဆောင်ထားပြီး ဒေသတွင်းစီမံအုပ်ချုပ်ရေး လုပ်ငန်းများ ထိုက်သင့်စွာ လည်ပတ်နေပြီဖြစ်သည့်အတွက် ထုတ်ပြန်ခဲ့သည့် ကန့်သတ်ချက်များကို ပြန်လည်ရုပ်သိမ်းသည်ဟု ထုတ်ပြန်ထားသည်။
၁၀၂၇ စစ်ဆင်ရေးအတွင်း တအာင်းတပ်မတော် TNLA သည် နမ့်ဆန်၊ မန်တုံ၊ နမ္မတူ၊ မိုင်းငေါ့၊ မိုင်းလုံ၊ နမ့်ခမ်းနှင့် ကွတ်ခိုင်မြို့ ၇ မြို့ကို သိမ်းပိုက်ထားနိုင်ခဲ့ခြင်း ဖြစ်သည်။

CDF – KKG တပ်ရင်း (၇)မှ အသက် ၂၄ နှစ်အရွယ် ဒုစစ်ကြောင်းမှူး တိုက်ပွဲတွင် ရရှိသော ဒဏ်ရာများဖြင့် ကျဆုံးခဲ့ရ

4 months ago

မတ် ၄
May be an image of 1 personချင်းကာကွယ်ရေးတပ်ဖွဲ့ CDF – KKG တပ်ရင်း (၇)၏ ဒုစစ်ကြောင်းမှူး Nang Khan Mang (ခ) Pa Boih သည် တိုက်ပွဲတွင် ရရှိသော ဒဏ်ရာများဖြင့် ကျဆုံးသွားကြောင်း အဆိုပါ တပ်ဖွဲ့က သတင်းထုတ်ပြန်ထားသည်။
အသက် ၂၄ နှစ်အရွယ်သာ ရှိသေးသော ဒုစစ်ကြောင်းမှူး Nang Khan Mang (ခ) Pa Boih သည် ဖေဖော်ဝါရီ ၂၆ ရက်နေ့က ခိုင်ကမ်းမြို့၊ ကိုးမိုင်ရဲစခန်းတိုက်ပွဲတွင် ရရှိခဲ့သည့် ဒဏ်ရာများဖြင့်ပင် ကျဆုံးခဲ့ရခြင်းဖြစ်ကြောင်း သိရသည်။
“ဒုစစ်ကြောင်းမှူး အသက်က ၂၄ နှစ်ပါ။ ဈာပနအစီအစဉ်ကို ထုံးစံတိုင်း အကျဉ်းချုံးပဲ လုပ်ပေးခဲ့ရတယ်ဗျာ” ဟု CDF – KKG မှ ပြန်ကြားရေးတာဝန်ခံက ပြောသည်။
ဒုစစ်ကြောင်းမှူး Nang Khan Mang (ခ) Pa Boih ၏ တော်လှန်ရေးအတွက် ပေးဆပ်မှုအပေါ် CDF – KKG မှ အထူးလေးစား ဂုဏ်ပြုပါကြောင်းလည်း ဖော်ပြထားသည်။

လက်နက်များနှင့်တကွ ချိတ်ဆက် အလင်းဝင်လာသော ပျူ ၅ ဦးကို ဂန့်ဂေါ ပကဖ ငွေကျပ် ငါးသိန်းစီ ချီးမြှင့်

4 months ago

မတ် ၄
မကွေးတိုင်း၊ ဂန့်ဂေါမြို့နယ်အတွင်း စစ်ကောင်စီအခြေစိုက်သည့် ပျူရွာများမှ ပျူစောထီး ၅ ဦး လက်နက်များနှင့်တကွ ချိတ်ဆက် အလင်းဝင်ရောက်လာကြောင်း ဂန့်ဂေါမြို့နယ်ပြည်သူ့ကာကွယ်ရေးအဖွဲ့-ပကဖ က သတင်းထုတ်ပြန်ထားသည်။
ပြီးခဲ့သည့် ၂၀၂၃ နိုဝင်ဘာ ၂၇ ရက်နေ့က ဂန့်ဂေါမြို့နယ်၊ ဝင်ဝ(ပျူ)ရွာမှ ပျူစောထီး ၃ ဦးသည် ၎င်းတို့ကိုင်ဆောင်သော ကာဘိုင်သေနတ် ၃ လက်၊ ကာဘိုင်ကျည် ၄၅၀ တောင့်တို့နှင့်အတူ အလင်းဝင်ရောက်ခဲ့ကြောင်း၊ ၎င်းအပြင် အဆိုပါရွာမှ ပျူစောထီး ၂ ဦးသည်လည်း ၎င်းတို့ကိုင်ဆောင်သော ကာဘိုင် ၁ လက်၊ Shotgun ၁ လက်၊ ကာဘိုင်ကျည် ၂၀၀ တောင့်၊ ၄.၈ကျည် ၅၉ တောင့် တို့နှင့်အတူ ၂၀၂၃ ဒီဇင်ဘာ ၃ ရက်နေ့က ဂန့်ဂေါမြို့နယ် ပကဖထံ ချိတ်ဆက်ကာ အလင်းဝင်ရောက်ခဲ့ကြောင်း သိရသည်။
“အဓိက သူတို့အလင်းဝင်လာရတဲ့အကြောင်းအရင်းကတော့ သူတို့ဟာ လက်နက်နှင့် ခြိမ်းခြောက်ဖိအားပေးခံရပြီး စိတ်မပါဘဲ ပျူစောထီးလုပ်ခိုင်းခြင်း ခံရသူတွေ များပါတယ်။ ထွက်လာသူတွေဟာ အရင်ကတည်းက ကာကွယ်ရေးအဖွဲ့တွေဘက်ကို သတင်းအချက်အလက် ပေးပို့နေခဲ့တာပါ။ အခွင့်အရေးရလို့ လက်နက်နဲ့တကွ အလင်းဝင်လာကြတာပါခင်ဗျာ။ သူတို့ထွက်ဆိုချက်ကတော့ သူတို့က ပျူမလုပ်ချင်ဘဲနဲ့ လုပ်ခဲ့ရသူတွေဖြစ်တာရယ်၊ ပြီးတော့ ပြည်သူတွေကို လက်နက်နဲ့ အနိုင်ကျင့်တဲ့ လုပ်ရပ်တွေကြောင့် ပြည်သူ့ဘက်ကို ရပ်တည်လာတာလို့ ထွက်ဆိုပါတယ်ဗျ” ဟု ဂန့်ဂေါမြို့နယ် ပကဖမှ တာဝန်ရှိသူက ပြောသည်။
ထိုသို့ အလင်းဝင်ရောက်လာသော ပျူစောထီးများအား ဂန့်ဂေါမြို့နယ် ပကဖမှ လိုအပ်သော စစ်ဆေးချက်များ ရယူခဲ့ပြီး ၂၀၂၄ ရက် မတ်လ ၁ ရက်နေ့တွင် လက်နက်ကိုယ်စီဖြင့် အလင်းဝင်ရောက်လာသူများအား တစ်ဦးလျှင် ငါးသိန်းကျပ်နှုန်းဖြင့် ချီးမြှင့်ထောက်ပံ့ခဲ့ကြောင်းလည်း သိရသည်။
May be an image of 2 peopleMay be an image of 2 peopleMay be an image of 2 people
“စကစ ဟာ ပျူတွေကို လက်သပ်မွေးပြီး သူတို့ရဲ့အသက်တွေကို စတေးနေပါတယ်။ ဒါကြောင့် အသိတရားအမြန်ရပြီး အမျိုးသားညီညွတ်ရေးအစိုးရထံ အလင်းဝင်ဖို့ပြောလိုပါတယ်။ ကျွန်တော်တို့ အစိုးရအနေဖြင့် အလင်းဝင်ပျူများနှင့်ပတ်သက်ပြီး ညွှန်ကြားချက်များ၊ မူဝါဒများနှင့်အညီ စိစစ်လက်ခံလျက်ရှိပါတယ်။ ပြစ်မှုကျူးလွန်ခဲ့ကြောင်း ထင်ရှားစွာ စိစစ်တွေ့ရှိပါက ဥပဒေနှင့်အညီ ဆက်လက် ဆောင်ရွက်လျက်ရှိကြောင်း ပြောလိုပါတယ်” ဟု ၎င်းက ဆက်လက်ပြောကြားသည်။

ရခိုင်တွင် အပစ်အခတ် ရပ်စဲရေး စစ်ကောင်စီနှင့် ဆွေးနွေးထားမှုမရှိဟု AA ဒုစစ်ဦးစီးချုပ် သတင်းစာရှင်းလင်းပွဲတွင် ပြောကြား

4 months ago

မတ် ၄
ရခိုင်ပြည်နယ်တွင် အပစ်အခတ်ရပ်စဲရေးအတွက် စစ်ကောင်စီနှင့် မည်သည့် ဆွေးနွေးမှုမှ မရှိကြောင်း AA ၏ ဒုတိယစစ်ဦးစီးချုပ် ဒေါက်တာညိုထွန်းအောင်က ပြောသည်။
ဟိုက်ဂင်သဘောတူညီချက် နောက်ဆက်တွဲအဖြစ် ညီနောင်သုံးဖွဲ့နှင့် စစ်ကောင်စီတို့၏ ယခုလဆန်းတွင် တရုတ်နိုင်ငံ၊ ကူမင်းမြို့၌ ပြုလုပ်ခဲ့သော ဆွေးနွေးပွဲတွင် ရခိုင်ပြည်နယ်တိုက်ပွဲများနှင့် ပတ်သက်၍ ဆွေးနွေးသဘောတူညီခဲ့ခြင်းမရှိကြောင်း ရက္ခိုင့်တပ်တော် (AA) ဒုတိယစစ်ဦးစီးချုပ် ဒေါက်တာညိုထွန်းအောင်က ယနေ့ မတ် ၄ ရက်နေ့တွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။
“ကျွန်တော်တို့ အခုအစည်းအဝေးတိုင်းက ဟိုင်ဂင်ရဲ့ အရင်သဘောတူညီချက်တွေကို ဆက်လက်ဆွေးနွေးနေပါတယ်။ အထူးသဖြင့်တော့ တရုတ် – မြန်မာနယ်စပ်နဲ့ ပတ်သက်တဲ့ ကိစ္စရယ်၊ ကျားဖြန့်လုပ်ငန်းကိစ္စတွေရယ်၊ နောက်ပြီး နယ်စပ်ဒေသထွက်ပေါက်တွေကို ဘယ်လိုပုံစံလုပ်ရမလဲ၊ ဒါတွေ ပါပါတယ်။ အခု ကျွန်တော်တို့ ဟိုက်ဂင်ကိစ္စကိုပဲ ဆွေးနွေးတယ်ဆိုတော့ ဟိုက်ဂင်ထဲမှာက ရှမ်းမြောက်မှာရှိတဲ့ AA နဲ့ပဲ သက်ဆိုင်နေတယ်။ ရခိုင် ဒီဘက်မှာရှိတဲ့ AA နဲ့ မပတ်သက်ဘူးဗျ” ဟု ၎င်းက ဆိုသည်။
ဟိုက်ဂင်သဘောတူညီချက်များသည် ပြင်ပသို့ ထုတ်မပြောရန် သဘောတူညီထားကြောင်း၊ သို့ရာတွင် သဘောတူညီချက်များသည် Open Secret ဖြစ်နေကြောင်း၊ ရခိုင်ပြည်နယ်၏ အပစ်အခတ်ရပ်စဲရေး မည်သည့်ဆွေးနွေးမှုမှ မရှိကြောင်း ဒုစစ်ဦးစီးချုပ် ဒေါက်တာညိုထွန်းအောင်က ဆက်လက်ပြောကြားခဲ့သည်။

CDF-Matupi ကို တပ်ရင်းဌာနမှ တပ်မဟာအဖြစ် ပြင်ဆင်ပြောင်းလဲ ဖွဲ့စည်း

4 months ago

မတ် ၄
ချင်းလဲန်းကာကွယ်ရေး-မတူပီ (CDF-Matupi) ကို တပ်ရင်းဌာနမှ တပ်မဟာ အဖြစ် ပြင်ဆင်ပြောင်းလဲ ဖွဲ့စည်းလိုက်ကြောင်း CDF-Matupi က ထုတ်ပြန်ထားသည်။
CDF-Matupi ၏ တတိယအကြိမ်မြောက် ညီလာခံအစည်းအဝေးကို ဖေဖော်ဝါရီ ၂၃ ရက်မှ ၂၅ ရက်နေ့အတွင်း ကျင်းပခဲ့ပြီး ညီလာခံတွင် မတူပီမြို့နယ်အတွင်းရှိ တပ်ရင်း တပ်ဖွဲ့များ၊ ဌာနဆိုင်ရာများ၊ တော်လှန်ရေးအင်အားစုများနှင့် တပ်မှူးများ၏ သဘောတူဆုံးဖြတ်ချက်အရ တပ်မဟာ နှစ်ခုအဖြစ် ပြောင်းလဲဖွဲ့စည်းနိုင်ခဲ့ကြောင်း သိရသည်။
May be an image of 13 people and textMay be an image of 9 people and text
“အဓိက ကတော့ အရင်က တပ်ဖွဲ့စည်းမှုထက် ပိုမိုကျစ်လျစ်တဲ့ ဖွဲ့စည်းမှုကို ဦးတည်တာပါ။ တခြား တပ်ဖွဲ့မူတွေကိုတော့ ထူးထူးခြားခြား ပြောင်းလဲတာ မရှိပါဘူး” ဟု CDF-Matupi ၏ ပြောရေးဆိုခွင့်ရှိသူ နိုင်ဂျွန်ကိမ်းက ပြောသည်။
အဆိုပါ ပြောင်းလဲလိုက်သော ဖွဲ့စည်းပုံအရ CDF-Matupi တပ်မဟာ (၁) တွင် တပ်ရင်း ၁ (Eagle Battalion) နှင့် တပ်ရင်း ၅ (Sinai Battalion) တို့ ပါဝင်ကြပြီး တပ်မဟာ (၂) တွင် တပ်ရင်း ၂ (Vakawk Battalion)၊ တပ်ရင်း ၃ (Kaisi Battalion)၊ တပ်ရင်း ၄ (LiCang Battalion) နှင့် တပ်ရင်း ၆ (AiDaak Battalion) တို့ဖြင့် အသီးသီးဖွဲ့စည်းခဲ့ခြင်းဖြစ်ကြောင်း သိရသည်။